Poemes y suaños de Pin de Sierra

Views:
 
Category: Entertainment
     
 

Presentation Description

No description available.

Comments

Presentation Transcript

Slide1:

Poemes y suaños de Pin de Sierra

Slide2:

Nel paraísu

Nel paraísu:

Nel paraísu Tendí les mios ilusiones, nun pentagrama de suaños, esnalaben colos sones, baillaben colos raigaños. Colos agudos xubíen y colos graves baxaben, los acordes espardíen xeitu pa los que finaben. Un coru de rapacinos cantaba la gloria pura, retrucaben querubinos con voz de tala bayura. Fasta’l Carriquín del Rei llegaren los contrapuntos, a esconderite, l’ivéi, . coles estrelles, toos xuntos. Esperances y escaezos surdíen del pentagrama, notes d’estaferia y vezos, adaxu que'l cielu algama. Espeyaba’l Paraísu, viesca, braña y pebidal, de mar y vallina’l visu, cume, ríu y rebollal. Talamente como Asturies, a midida celemín, nun t’enfotes nin t’enlluries, tas nel Paraísu, nin

Llabrador de poesía:

Llabrador de poesía Llabrador de poesía, voi semando nes sableres, esa la pallabra mía, qu'esbaria peles fasteres. Cayendo del picu’l prau, esbarrumbando del monte, pingando nel to teyáu, cruciando baxo la ponte. Pintando de la color verde nidia de la braña, ablucando nel so altor, espoxigando na caña. Baillando nesa verbena, onde espeya la gayola y ri cola guapa nena, ximelgando como fola. Apingayando nel horru, asentáu na talamera, arrequexáu nesi corru, el de la campa cimera. Arumando cola rosa, desangrando col escayu, nin en xunetu s’escosa, nin m’axoriza’l más gallu. Trescalando asturianía, con toles les de la llei, llabrador de poesía, ayeri, mañana y güei.

Slide7:

Cuando al vientu-y alienda, -y esquita espaciu, la neña la molienda, qu’anda con xaciu. Anda con xaciu, adulces, la molinera, con boroña m’endulces, camín y xera. Camín y xera, neña, los mios amores, nidia como una meña, qu’en faza mores. Que mores na mio faza, prenda quería, suplo por ti, rapaza, de nueche y día. De nueche y día, madre, la toi queriendo, como un perrín que lladre, lladre, sintiendo. Sintiendo’l pasu sele, la molinera, que’l santu Antón-y vele, que tea soltera. Que tea soltera, nina, pa cortexala, sinón muerro, mamina, por moza tala. La Molinera

Slide9:

    Cuando maurez la seronda pruye la sangre al iviernu, xelando la pena fonda, aventándola pel ciernu.   Quiero prindate na tarde y afalagate nel xendu, y que sientas como arde, el mio rixu col to aliendu.   Y esguilaremos la cume, p’agospiar nel desbentíu, del riscar vas ser arume, serás la madre’l mio fíu.   Solos perbaxu la lluna, onde orpinen les estrelles, andechando nesa zuna, qu’a la mio vera esperteyes.     Quiero cerner nos tos suaños, estrar les tos enganíes, finar al empar los años, espurriendo tolos díes.   Vamos glayar los murmurios, vamos oyer los silencios, refugar los amargurios y espoxigar nos vertencios.   Naide nos va separtar, nun-ys valdrá l’esconxuru, vamos alluendi a esnalar, aproveciendo’l futuru.   Xuntos

authorStream Live Help