Anthea Pisani - Mellieha Primary C

Download
Share  Add to  Flag Embed
Views:
 
Category: Entertainment
     
 
License:   All Rights Reserved

Presentation Description

No description available.

Comments

 

By: tonypace (8 month(s) ago)

Yes of course, you can use it in class. Tony Pace

 

By: marisep (8 month(s) ago)

Could you kindly allow me to download this powerpoint so that I would be able to use it in class? Thank you.

 

By: chantellecrem (15 month(s) ago)

hi ... this power poin tis great! I dont know whether it is possible to kindly make it avaliable for download .. because the internet connection in my class in not very stable ..

 

By: jos076 (17 month(s) ago)

Prosit Anthea!

 

By: markcamilleri307 (21 month(s) ago)

Great powerpoint. Well done Anthea

Presentation Transcript

It-Tniġġis tal-Baħarminn Vapuri u Drenaġġ : 

It-Tniġġis tal-Baħarminn Vapuri u Drenaġġ Isem: Ms. Anthea Pisani Klassi: 5.2 Kulleġġ: Maria Regina Skola: Primarja Mellieħa

Għaliex il-baħar hu importanti? : 

Għaliex il-baħar hu importanti? 1. Il-baħar hu d-dar għal bosta kreaturi.

Slide 3: 

2. L-oċeani jassorbu ħafna mill-karbonju li jipproduċu l-bnedmin permezz tal-industrija.

Slide 4: 

3. Il-baħar jiffaċilita l-kummerċ u t- trasport bejn pajjiż u ieħor.

Slide 5: 

4. Il-bniedem iġib xi riżorsi mill-baħar bħall-ħut, il-melħ u l-ilma.

Slide 6: 

5. Il-baħar iservi ta’ rikreazzjoni għall- bniedem permezz tal-isports tal- baħar, l-ivvjaġġar, u jżid it-turiżmu.

X’inhu t-tniġġis? : 

X’inhu t-tniġġis? It-tniġġis hu ħmieġ: a) fuq l-art permezz ta’ skart u kimiċi li jintremew, b) fl-arja bid-dħaħen li joħorġu mill-fabbriki u d-duħħan tal-karozzi, u ċ) fil-baħar permezz taż-żjut, drenaġġ u skart li jintefa’ fih.

X’jikkaġuna t-tniġġis tal-baħar? : 

X’jikkaġuna t-tniġġis tal-baħar? Dħaħen minn karozzi, mezzi tat-trasport u fabbriki.

Slide 9: 

Dħaħen minn “power stations” tal-elettriku li jaħarqu ħafna żjut u faħam biex jipproduċu l-enerġija. Dawn id-dħaħen l-ewwel iniġġsu l-arja u wara jitħalltu mal-ilma tax-xita. Din tissejjaħ xita aċiduża jew “acid rain”. Billi l-ilma tax-xita jispiċċa fil-baħar, din ix-xita aċiduża tniġġes il-baħar.

Slide 10: 

3. Ir-rimi ta’ skart tossiku (velenuż) minn fabbriki u industriji li jivvalenaw kemm l- arja u anke l-baħar. 4. Ir-rimi ta’ skart nukleari minn reatturi nukleari.

Slide 11: 

5. L-użu ta’ pestiċidi u fertilizzanti kimiċi li jinħallu mal-ilma u jispiċċaw fl-ilma li nixorbu u fil-baħar.

Slide 12: 

L-iskart li jintrema bl-addoċċ bħal plastik. Jekk fekruna tkun qegħda tgħum u tara borża tal-plastik, din taħsibha brama, tikolha u tifga. Ġieli xi sajjieda jħallu x-xbieki mqatta’ fil-baħar bil-konsegwenza li għadd ta’ ħut u kreaturi oħra jinqabdu fihom u jmutu.

Slide 13: 

Drenaġġ mhux trattat. Minbarra skart organiku, dan ikun fih ħafna kimiċi u deterġenti li jagħmlu ħsara lill-kreaturi tal-baħar.

Slide 14: 

Jekk id-drenaġġ jiġi trattat qabel jintefa’ l-baħar, parti minnu tista’ tintuża biex jissaqqew l-għelieqi. Għal pajjiż xott bħal Malta, hu tajjeb li jkollna sors ieħor ta’ ilma għat-tisqija tal-għelieqi. Dak li jintrema fil-baħar ma jagħmilx ħsara lill-ambjent marittimu.

Slide 15: 

Fl-istampa jidher l-impjant tat-trattament tad-drenaġġ fil-limiti tal-Mellieħa. Dan ġie inawgurat fl-2009. Hemm impjant ieħor Għawdex u sas-sena 2010 għandu jitlesta ieħor fin-naħa t’isfel ta’ Malta.

Slide 16: 

Żjut imxerrda fil-baħar waqt: a) traġitt minn “pipelines” għat-tankers, b) bit-tindif illegali tat-tankijiet tat- tankers, u ċ) ħruġ ta’ żjut minn inġenji wkoll iħammeġ il-baħar.

L-agħar forma ta’ tniġġis tal-baħar tiġri meta jkun hemm diżastri ekoloġiċi wara xi ħabta jew għarqa ta’ xi tanker li minnu joħroġ ħafna żejt. : 

L-agħar forma ta’ tniġġis tal-baħar tiġri meta jkun hemm diżastri ekoloġiċi wara xi ħabta jew għarqa ta’ xi tanker li minnu joħroġ ħafna żejt.

It-Tanker “Prestige” : 

It-Tanker “Prestige” Fis-sena 2002, it-tanker taż-żejt “Prestige” għereq ‘il barra mill-ibħra Spanjoli. Minnu ħareġ ħafna żejt.

Iż-żejt li nxtered ħammeġ parti kbira mill-kosta Spanjola u Franċiża. Dan kien l-akbar diżastru ambjentali fi Spanja s’issa. : 

Iż-żejt li nxtered ħammeġ parti kbira mill-kosta Spanjola u Franċiża. Dan kien l-akbar diżastru ambjentali fi Spanja s’issa.

Mietu eluf ta’ ħut u għasafar tal-baħar li ġew miksija biż-żejt waqt l-inċident. Numru żgħir minn dawn l-għasafar baqgħu ħajjin. Jingħad li l-ambjent marittimu se jdum għaxar snin isofri l-effett ta’ dan it-tniġġis. : 

Mietu eluf ta’ ħut u għasafar tal-baħar li ġew miksija biż-żejt waqt l-inċident. Numru żgħir minn dawn l-għasafar baqgħu ħajjin. Jingħad li l-ambjent marittimu se jdum għaxar snin isofri l-effett ta’ dan it-tniġġis.

Slide 21: 

Ħafna sajjieda li kienu jistadu fiż-żona fejn inkalja t-tanker ma kellhomx aktar ħut x’jaqbdu. Il-ħajja ta’ dawn is-sajjieda u tal-familji tagħhom żgur ma baqgħetx waħda komda!

Slide 22: 

Ħafna turisti li kienu jmorru f’dik il-parti ta’ Spanja, ma reġgħux marru hemm għall-btajjel. Dawn ma jridux baħar maħmuġ. B’hekk dawk in-nies li jaħdmu fit-turiżmu, naqsilhom ix-xogħol u bdew jaqilgħu inqas flus.

Slide 23: 

Mela t-tniġġis tal-baħar jaffettwa mhux biss lill-annimali iżda wkoll lill-bnedmin, kemm fis-saħħa kif ukoll fix-xogħol, bħas-sajjieda u dawk li jaħdmu fil-qasam tat-turiżmu.

It-tniġġis tal-baħar u l-Baħar Mediterran : 

Il-Baħar Mediterran hu wieħed mill-aktar imniġġsa fid-dinja minħabba li: hu mdawwar b’pajjiżi li għandhom popolazzjoni kbira u ħafna minnhom żviluppaw l-industrija, il-biedja u t-turiżmu, u ħafna mit-traffiku tal-baħar jgħaddi mill-Mediterran. It-tniġġis tal-baħar u l-Baħar Mediterran

Slide 25: 

Il-Baħar Mediterran hu baħar magħluq bi ftit ftuħ (l-Istrett ta’ Ġibilta’, il-Kanal ta’ Swejz u d-Dardanelli) u allura l-baħar idum ma jiċċirkola l-ilma tiegħu ġo ibħra oħra. Strett ta’ Ġibilta’ Kanal ta’ Swejz Dardanelli

Kif nistgħu nnaqqsu t-Tniġġis tal-Baħar? : 

Kif nistgħu nnaqqsu t-Tniġġis tal-Baħar? Il-gvernijiet jgħaddu liġijiet biex ma jintremiex skart tossiku u nukleari fil-baħar.

Slide 27: 

Jiġi kkontrollat it-traffiku fuq il-baħar u t-tindif tat-tankers.

Slide 28: 

Nużaw aktar mezzi ta’ trasport pubbliku jew nużaw aktar “carpooling”.

Slide 29: 

Nużaw sorsi naturali ta’ enerġija bħal dik solari, mir-riħ u mill-ilma. B’hekk innaqqsu d-dipendenza fuq l-enerġija li tiġi minn ħruq ta’ “fossil fuels” bħal żejt, faħam u reatturi nukleari.

Slide 30: 

Naqilbu għal sistemi ta’ biedja organika biex innaqqsu l-użu tal-kimiċi tossiċi u jkollna prodotti aktar sustanzjużi.

Slide 31: 

Id-drenaġġ jiġi ppurifikat biex jipproduċi ilma għat-tisqija u ma jitħammiġx il-baħar.

Slide 32: 

Nużaw deterġenti bio-degradabbli li ma jagħmlux ħsara lill-ambjent marittimu meta jispiċċaw fil-baħar.

Slide 33: 

Jekk inkunu se narmu xi skart, bħal wara xi barbikju jew piknik, narmuh fil- laned apposta. Jekk ma jkunx hemm laned, nagħmluh ġo borża, neħduh magħna d-dar u narmuh fil-landa tal-iskart.

Slide 34: 

Insiru membri ta’ xi għaqda li tieħu ħsieb l-ambjent bħal “Nature Trust Malta”, “Birdlife Malta”, “Friends of the Earth” u “Greenpeace” fost l-oħrajn.

Illum sirt taf dwar:a) kif jiġi kkawżat it-tniġġiż tal- baħar, ub) kif tista’ tnaqqas dan it-tniġġiż. Issa f’idejk biex tieħu l-azzjoni meħtieġa ħalli jkollna baħar aktar nadif! : 

Illum sirt taf dwar:a) kif jiġi kkawżat it-tniġġiż tal- baħar, ub) kif tista’ tnaqqas dan it-tniġġiż. Issa f’idejk biex tieħu l-azzjoni meħtieġa ħalli jkollna baħar aktar nadif!

Imla l-vojt : 

Imla l-vojt Il-baħar iservi bħala dar għal bosta annimali. 2. Tliet riżorsi li l-bniedem iġib mill- baħar huma l- ħut, il-melħ u l-ilma. 3. Il-bniedem jista’ wkoll jipprattika xi sports tal-baħar.

Aqra s-sentenzi u ara jekk humiex tajbin (P) jew le () : 

Aqra s-sentenzi u ara jekk humiex tajbin (P) jew le () Id-dħaħen tal-karozzi u l-fabbriki joħolqu x-xita aċiduża li ma tagħmilx ħsara lill-baħar.  2. Id-drenaġġ mhux trattat jagħmel ħsara kbira lill-baħar. P 3. L-iskart li jispiċċa fil-baħar jista’ joqtol lill-kreaturi tal-baħar. 4. It-tniġġiż tal-baħar ma jaffettwax lin-nies.  P

Slide 38: 

Din il-preżentazzjoni hija parti minn proġett li fih ħadu sehem: Mark Attard Cassidy Bartolo Amber Leigh Borg Samuel Borg Stephanie Borg Nikkie Borg Grech Neil Fenech Giuseppe Galea Curmi Kyra Magro Shauna Magro Mattias Mari Jasmine Mifsud Shania Muscat Jacob Edward Pace Darren Charles Sammut Britney Sant Daniel Vella Kurt Vella Ms. Anthea Pisani