Presentation Transcript
Recoñecimento de Harold Godwinson :Recoñecimento de Harold Godwinson
Slide 3:Unha noite de cinza caíu sober da terra
as linternas andaban por entre os mortos
Slide 4:e nas feridas do máis ferido de todos
Edith Swanehals poñía a luz violeta dos seus ollos
Slide 5:por si aquel era Harold fillo de Godwin
que ela amara tanto.
Slide 6:E aquel mesmo era
a boca pola que saía un fío de sangue
pousada na boca terrea dunha toupeira.
Slide 7:Viña de lonxe o canto do mar. Edith sentouse
a carón do morto e cun fío branco que tirou dos seus soñares
comezou a tecer un pequeno pano
pra tapar os ollos do Rei.
Slide 8: Escoitábase o mar, e mailas follas secas do bosque
arremuiñando nos camiños entre os outeiros.
Slide 9:A derradeira caricia de Edith foi aquel calado tecer
perto do morto, e cando saía a lúa
misturou fíos azúes da luz da viaxeira cos seus
Slide 10:-as agullas iban e viñan en silencio
as mans movéndose coma quen anaina un neno
Slide 11:o mirar violeta de Edith adentrábase máis e máis
nas escuras feridas,
recoñecendo o sangue do amante, e maila morte.
Slide 12:Así foi que Edith xa estaba cega
cando lle preguntaron quen
entre aquelas sesenta ducias de mortos
era Harold.
Slide 13:- Este, dixo sinalando, a tentas,
que facía cantar os reiseñores nas noites de verán
cando me bicaba e me dicía
- Swanehals, Colo de Cisne, envelleceremos xuntos
pro ti máis lentamente.
Slide 15:Sandra Abalde Graña
1º BACH. D